रमेश तिम्रो सहादत खेर जादैछ,फर्की आउ
जनकपुरधाम,माघ ५।आज भन्दा १८ बर्ष पहिले आजैको दिन अर्थात माघ ५ गते मधेशका उर्जावान युवा देशलाई नश्लियताबाट संघियता र समानुपातिक अधिकारको आन्दोलनलाई उर्जा दिने अभियान (मधेश बन्द) को क्रममा लहानको चौकमा सरकारी गोलिका सिकार भएका थिए ।अधिकार र पहिचानको लागि सरकारी बन्दुकको नाल अगाडि आफ्नो छाती देखाउने ती योद्धा थिए रमेश महतो ।शाहीद महोतोको सहादतबाट प्राप्त उपलब्धीको समयसमयमा लेखाजोखा हुनु आवश्यक छ ।
त्यही सहादतले ६३ मा मधेश जनबिद्रोहको जन्म दियो र त्यही सहादतको जगमा संकडो युवाले खुशीखुशी आफ्नो आहुती दिए र बिद्रोहको लक्ष्य बन्यो आफ्नो मधेश सरकार ,एक मधेश स्वायत्त प्रदेश,हरेक क्षेत्रमा समानुपातिक प्रतिनिधित्व जुन लक्ष्यको केही अधिकार २२ बुदे र ८ बुदे सम्झौताले आन्तरिक सम्बिधानको पानामा इंकित गरियो र संबिधानमा संघीय शब्दले ठाउँ पायो तर जब सम्बिधान सभाबाट रमेशको सपना साकार हुने बखत आयो तबसम्म संघीयता पक्षधर शक्ति तत्कालीन मधेशी जनाधिकार फोरम नेपाल टुक्राटुक्रामा बाडिन पुग्यो। मधेशी नेतामा नेतृत्वको लागि चलेको होडबाजी र संघीयता बिरोधिको गठजोरको सिकार बनेको पहिलो सम्बिधान सभाकै घाँटी निमोठियो र नया प्रपंचको साथ शुरु भो दोश्रो संबिधान सभाको निर्वाचन जसमा संघीयता पक्षधरलाई निर्वाचन मै हुत्याईयो र सभाको कमान पुरानो संघीयता बिरोधी गठजोरको हातमा पुर्याईयो,पुरानो शक्तिहरुको पुनर उदयसंगै रमेशको सपनासंग १६ दिनको निरन्तर बालात्कार गरियो र संघीयता सापेक्षित संबिधान ल्याइयो जस भित्रमा नया जिल भित्र पुरानो उपन्यास थियो।कोहि दिवाली मनाए,कोहि उत्कृष्ट संबिधानको संज्ञा दिए,कोहि ताली पडकाएर स्वागत गरे त कोहि कालो दिन मनाए ।
यो संगै शुरुभो संघीयताको अभ्यास ,जसमा ७ प्रदेशमा देशको बागडोर बिभाजन गरियो ,हुनत मह केन्दमा थन्काएर माहुरीको चाका मात्रै प्रदेशलाई बुझाइयो ।
रमेशको एक मधेश स्वायत्त प्रदेशको सपना त्यही चुहाइयो तरपनि केही जागरिला युवा प्रदेशसभा सदस्यहरु ८ जिलाकै भएपनी मधेश सरकारको बोर्ड झुंड्याउने वातावरण बनाए र नामाकरणसम्म गरे तर बाकी ६ ओटा प्रदेशमा रमेशको सपनाको बलात्कार अझै हुदैछ।यता मधेश प्रदेश बन्यो उता मर्सिया बाट फोरम बनेका मधेशिको नाम पनि बदल्दै धोतिमा बेरियो र मधेश प्रदेशको अधिकार कटौती गर्ने खेलको गति पनि नश्लिय सोचले ह्वात्तै बढायो ।कहिले अस्थिर कर्मचारीतन्त्रको प्रवाह गरेर कहिले बजेटमा कटौती गरेर ,त्यसमा थप प्रदेशका सभाभित्र भ्रष्टाचार जोनको खोजी यहि प्रदेशमा बनाउनु पर्ने माग हाउसमै राखेर अझै संघीयताको इज्जेतलाई तारतार गरियो र संघीयता बिरोधीलाई बल दिइयो।
रमेशको सपना प्राप्तिको महायज्ञमा सहादत दिवसमा मनाईने बलिदानी दिवस सरकारले मनाउदैन,मधेश स्वाभिमान दिवस मनाउदैन, मधेश स्वास्थ बिज्ञान प्रतिष्ठान संकटमा छ ,मधेश कृषि विश्वविद्यालय अलपत्र,मधेश विश्वविद्यालय धरासायी ,भ्रष्टाचार चरम बिन्दुमा छ भने आफ्नो प्रहरी बिनाको सरकार झण्डा हल्लाउने गाडिमै केन्द्रीय प्रहरिको बिचमा मस्त छन ।
अब तिमी सपनारहित रमेश!किन बस्नु परलोक फर्की आउ फेरि मधेश बिद्रोह लिएर आउ ,ती सपनाका बलात्कारीहरुको बिनाश गर्न आउ ,नया मधेश निर्माण गर्न आउ नत्र यी दानवहरु रहेक योजनामा कमिसन खान पल्की सके आमाको दूध खान नि कमिसन माग्लान र तिम्रो आमालाइ कमिसनमा दिएको भैंसी समेत खोस्लान ,आउ रमेश फर्की आउ।
